Plantun de Prouvènço

Pèr coumpara dos planto d'encò nostre

Euphorbia segetalis & Hieracium tomentosum

Verinado

Euphorbia segetalis

Euphorbiaceae

Àutri noum : Lagagno, Lachusclo-di-blad, Pisso-can-di-blad, Lantrèso.

Nom en français : Euphorbe des moissons.

Descripcioun :
La verinado s'atrobo dins li champ e li liò roucassous un pau caud. Se recounèis à si fuèio estrecho e raprouchado sus uno cambo un pau rouginasso, à si glando di lòngui bano (fotò) e si bratèio en formo de coupo. Flouris encaro tardié en ivèr.

Usanço :
Coume tóuti lis meno d'Euphorbia, la verinado es uno planto empouisounanto (verin). Lou la que s'escoulo à la coupo èi di proun irritant pèr la pèu, lis iue e la bouco. Pamens, poudès vous n'en servi pèr crema li berrugo ; un cop pèr jour, vint jour de tèms (L.). Ei bon peréu pèr sougna li mouchourlo de fedo e de chivau. Lis ancian tuavon li pèis de ribiero emé d'éufòrbi gachado (M.).

Port : Erbo
Taio : Pancaro entresigna
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Euphorbia
Famiho : Euphorbiaceae

Ordre : Malpighiales

Coulour de la flour : Verdo
Petalo : ges
Ø (o loungour) flour : Pancaro entresigna
Flourido : Printèms - Estiéu - Autouno - Ivèr

Sòu : Ca
Autour basso e auto : 0 à 600 m
Aparado : Noun

Liò : Champ - Colo - Garrigo
Estànci : Termoumediterran à
Couroulougi : Pancaro entresigna
Ref. sc. : Euphorbia segetalis L., 1753

Esparello(-lanudo)

Hieracium tomentosum

Asteraceae Compositae

Nom en français : Epervière laineuse.

Descripcioun :
Aquesto esparello fai partido dóu group ANDRYALOIDEA, planto proun lanudo e presento au nostre soulamen en mountagno. Se recounèis majamen à si fueio lanudo que podon èstre proun larjo (2-6 cm). Peréu aquésti fueio fan pas de lobo au contro de meno proche. Trachis dins li tepiero roucaiouso e li roucaio.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 70 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Hieracium
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) flour : 1 à 2 cm
Flourido : Printèms - Estiéu

Sòu : Ca
Autour basso e auto : 400 à 2600 m
Aparado : Noun
Mai à juliet

Liò : Roucas - Pendis secarous
Estànci : Mesoumediterran à Aupen
Couroulougi : Endemico Aup-Ouèst, Apenin-Nord, Jura
Ref. sc. : Hieracium tomentosum L., 1755

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Euphorbia segetalis & Hieracium tomentosum

CCC

Coumpara Verinado emé uno autro planto

Coumpara Esparello(-lanudo) emé uno autro planto